Lan-poltsa

“Fisikan doktorea naiz, eta iazko urritik Irakasleen Prestakuntzako Masterra egiten ari naiz… Donostiako Deutsche Schule-n praktikak egiteagatik benetako pribiliegiatua naizela uste dut. Ikastetxeko baldintzak ezin hobeak direla adierazi nahi nuke. Nire tutorea, Sara Arenal, asko inplikatu da izan dudan esperientzia osoa eta baliagarria izan dadin. Era berean, ikastetxeko zuzendaritza-taldeak, gainerako irakasleek eta ikastetxeko langileek egindako kudeaketa eta laguntza oso modu positiboan baloratu nahi nituzke. (…)

Bestalde, praktiketako irakasle gisa aritzeak irakasle ona izateko beharrezkoak diren hezkuntza-metodologietan aktiboki eta egunero parte hartzeko aukera eman dit. Masterrean ikasten ari naizen teoriak praktikan nola funtzionatzen duen ere ikusi dut; adibidez, gizarte-gaietan inplikatzeak eta gizarte-aniztasunarekiko arretak denontzako hezkuntza inklusiboa eta berdintasunezkoa eskaintzen dutela. Hori guztia irakasleek ikasleekin duten tratuan eta curriculum-egokitzapenetan argi ikusten da, baita banakako planetan eta esku-hartzeko protokoloetan ere.

Laburbilduz, esperientzia hori funtsezkoa izan da etorkizuneko nire irakasle eta hezitzaile gaitasuna garatzeko, eta hezkuntza-errealitateari buruzko lezio baliotsuak eman dizkit”.