Atal honetan gure lan-poltsa aurkituko duzu. Baita gure ikastetxean egiten diren lan-praktikei buruzko informazioa ere.
LAN-POLTSA
Gure ikastetxean lanposturen bat (irakasle nahiz ez irakasleentzat) hutsik geratzen denean, orri honetan argitaratuko ditugu eskaintza eta kandidatuek izan beharreko profila.
Curriculum vitaea helarazi nahi badiguzu, bidali, mesedez, helbide honetara. Jasotzen dugun dokumentazioa bi urtez gordeko dugu gure datu-basean.
PRAKTIKAK DONOSTIAKO DEUTSCHE SCHULE IKASTETXEAN
Informazio orokorra
Deutsche Schule San Alberto Magno ikastetxeak, bertan praktikak egiteko aukera ematen die bai hezitzaile eta baita irakaskuntzako ikasketak egiten dituzten ikasleei ere (Lehen Hezkuntzan, Bigarren Hezkuntzan eta Batxilergoan). Eskaerak gehiago izaten dira eskaintzen diren plazak baino; hori dela eta, ikastetxea zenbait murrizketa egitera behartuta dago. Ondorengo lerroetan zehaztuko ditugu.
Gure ikastetxean egiten diren praktikak ez dute ordainsaririk. Horregatik, interesa dutenei komeni zaie aldez aurretik diru laguntzak eskatzea; adibidez, Erasmus programaren bitartez. Ostatua eta mantenua, praktikak egiten dituztenen kontura dira. Hala ere, doan eskaintzen zaizkie ikastetxeko eguerdiko otordua eta ikastetxeko garraioa.
Espero dugu ulertzea ikastetxeak ezin duela laguntzarik eman ostatua bilatzen. Bestalde, praktikak egiteko denboraldia aukeratzerakoan, eskertuko genuke kontuan izatea ikastetxeko oporraldiak, batez ere, udakoak, ekainaren bukaeratik irailaren hasiera arte direnak.
Eskaerak, beranduenez, praktikak hasteko data baino urte erdi lehenago iritsi beharko litzaizkiguke, eta posta elektronikoko helbide honetara bidali behar dira
Eskaerari buruzko informazioa
Eskaerak posta elektronikoz bidali behar dira ikastetxera. Kontuan hartu ondo beteta dauden eskaerak soilik kudeatuko direla, eta, denbora arazoak direla eta, ez dela bidaliko posta jaso izanaren adierazpena. Eskaerarekin batera doan aurkezpen gutunean honako puntu hauek zehaztu beharko lirateke: zein irakaskuntza mailatan egin nahiko zenituzkeen praktikak; baita zein denboraldi eta gaitan ere. Praktiken planifikazioan, kontuan hartu behar dituzu oporraldiak. Aurkezpen gutunarekin batera bidali beharko dituzu: curriculum vitae, argazki bat, unibertsitateko matrikulazioaren egiaztagiria, hizkuntzen ezagutza maila, eta, egin badituzu, beste jarduera pedagogiko batzuk egin izanaren frogagiriak.
Praktiken baieztapena jasoz gero, zenbait inprimaki igorriko zaizkizu, seguruei buruzko eta harremanetarako datuei buruzko informazioa betetzeko. Inprimaki horiek lehenbailehen itzuli behar zaizkio ikastetxeari, eta, betiere, praktikak hasi baino lehen.
Praktikak Haur Hezkuntzan (Kindergarten)
Kindergartenenek lan praktikak egiteko aukera ematen die ikasten ari diren hezitzaileei.
Gure Kindergartenek lau maila ditu, eta, maila bakoitzeko, bi gela (2 urtetik 5 urtera). Gure ikastetxearen barne dago, eraikuntza berean. Ikasle gehienek herritartasun espainiarra dute, eta, eguneroko eskoletan, bizi eta ikasi egiten dute alemana, gaztelania eta euskara. Kindergartenen praktikak egiteko, gutxienez hiru hilabetez aritu behar da. Eskarmentu handia duen tutore batek gidatuko du praktikak egiten dituen pertsona, eta bere laguntza jasoko du. Tutore horrek praktiken garaia probetxuzkoa izango dela bermatuko du.
Praktiketan ari direnek tutoreei lagunduko diete eguneroko lanean, eta, gainera, Kindergartenen laneko planifikazioan eta jardunean parte hartuko dute. Gure lanean oso garrantzitsuak dira ikastetxeko jaialdiak, antzezpenak, irteerak, etab. Horiek aurrera eramateko praktikak egiten ari direnen laguntza izan ohi dugu.
Horiek horrela, ezinbestekoak dira lan autonomoa, malgutasuna eta jokabide arduratsua. Lagungarria izan daiteke hautagaiak DaF (Deutsch als Fremdsprache) eremuko ezagutzak izatea, lehenago beste praktika batzuk eginak izatea, edota atzerrian aritu izanaren esperientzia.
Lehen eta Bigarren Hezkuntza (DBH eta DBHO)
Deutsche Schule San Alberto Magno, Atzerrian dagoen Ikastetxe Alemana da. Alemana du atzerriko lehen hizkuntza, eta, bestalde, gai gehienak gaztelaniaz irakasten dira. Hori dela eta, praktikak egitera etortzen direnen ama-hizkuntza alemana bada, gai hauetan soilik egin ahal izango dituzte praktikak: alemana (DaF), DFU (historia, gorputz hezkuntza, arte-hezkuntza) eta ingelesa. Nahiago ditugu DaF esparruko ezagutzak dituzten kandidatuak, gutxienez zenbait astez beste praktika batzuk egiten aritu izandakoak.